Համատեղ արտադրության աջակցության ֆոնդ

«Հայաստան-Թուրքիա կինոպլատֆորմը» (ՀԹԿՊ) հրավիրում է Հայաստանի եւ Թուրքիայի, ինչպես նաեւ երկու կողմերի Սփյուռքի ներկայացուցիչ կինոգործիչներին մասնակցելու կինոնախագծերի զարգացման աշխատաժողովին։ 

Ընդունվում են կարճամետրաժ եւ վավերագրական կինոնախագծերի հայտեր:

Աշխատաժողովը տեղի կունենա 2017-ի ապրիլի 10-ից 12-ը Ստամբուլում` Ստամբուլի 36-րդ միջազգային կինոփառատոնին զուգահեռ:

Աշխատաժողովը ներառում է վերապատրաստման դասընթացներ, կինոնախագծերի ներկայացում և գործնական հանդիպումներ: Աշխատաժողովին կներկայացվեն 10 ընտրված նախագիծ՝ հնգական յուրաքանչյուր կողմից։ Ընտրված մասնակիցներին կընձեռվի հնարավորություն իրենց հեղինակած նախագծերը ներկայացնելու միջազգային ժյուրիին:

Լավագույն նախագծին Եվրամիության կողմից կշնորհվի 7,500 եվրոյի չափով դրամական պարգեւ:

Հայցերի ընդունման վերջնաժամկետը 2017-ի մարտի 20-ն է:

ՀԹԿՊ-ն կհոգա հայկական կողմի մասնակիցների ճանապարհածախսն ու կեցության ծախսերը (յուրաքանչյուր նախագիծ ներկայացնելու համար կհրավիրվի միայն մեկ մասնակից):

Մանրամասներին ծանոթանալու համար կարող եք այցելել այստեղ`

www.gaiff.am

www.dabhub.com

www.cinemaplatform.org

Լրացված հայտերը և կից փաստաթղթերը խնդրում ենք ուղարկել հետևյալ հասցեով՝ [email protected]

ՀԹԿՊ 2017 միջոցառումները տեղի են ունենում Եվրոպական միության կողմից ֆինանսավորվող «Աջակցություն Հայաստան-Թուրքիա կարգավորման գործընթացին» ծրագրի 2-րդ փուլի շրջանակներում: