Եվրոպական միության նախաձեռնություն
Նորություններ
Հայաստանից և Թուրքիայից փորձագետները համախմբվեցին Մուշի հայկական մշակութային ժառանգության հարցերի շուրջ
18.11.2014
Թուրքիա | Անադոլու Քյուլթյուր, Եվրասիա համագործակցություն հիմնադրամ

Մի խումբ ճարտարապետներ, վերականգնողական աշխատանքների մասնագետներ, պատմաբաններ, ազգագրագետներ և արվեստի պատմաբաններ Հայաստանից և Թուրքիայից՝ Նորվեգական մշակութային ժառանգության ուսումնասիրությունների ինստիտուտի (ՆԻԿՈՒ) ղեկավարի մասնակցությամբ, այցելեցին Մուշի նահանգ և քաղաք Մուշ` հայկական մշակութային ժառանգությունը ուսումնասիրելու և հայկական հուշարձանները գնահատելու համար:

 

Այցի հիմնական նպատակն էր համատեղ ուսումնասիրության ենթարկել հայկական հուշարձանները Թուրքիայի արևելյան հատվածում և  դրանց հետագա պահպանման և վերականգնման վերաբերյալ առաջարկություններ մշակել:

 

Տասներկու փորձագետներ վեց օր անցկացրեցին Մուշի նահանգում հոկտեմբերի 20-ից 25–ը՝ այցելելով մոտ երկու տասնյակ հայկական հուշարձաններ Մուշում, Մանազկերտում, Վարթոյում, Նոր շենում և այլ վայրերում՝ ուսումնասիրելով վանքեր, եկեղեցիներ (այդ թվում մզկիթների վերածված եկեղեցիներ), ամրոցներ, կամուրջներ, շատրվաններ, ջրաղացներ և բաղնիքներ։

 

Ուսումնասիրության արդյունքները կտպագրվեն Անկարայում՝ Նորվեգիայի դեսպանատան աջակցությամբ և զեկույցի տեսքով կներկայացվեն հանրությանը առաջիկա մի քանի ամիսների ընթացքում:

 

Անմիջապես ուսումնասիրություններից հետո՝ հոկտեմբերի 26-ին, նախատեսված էր անցկացնել արդյունքները ամփոփող քննարկում:

 

Մուշում ուսումնասիրության այցը կազմակերպվել էր Հայաստանի Եվրասիա համագործակցության հիմնադրամի և Թուրքիայի Անադոլու Քյուլթյուր կազմակերպության ջանքերով՝ «Աջակցություն Հայաստան-Թուրքիա կարգավորման գործընթացին» ծրագրի շրջանակներում, որն իրականացնում է Հայաստանի և Թուրքիայի ութ հասարակական կազմակերպություններից բաղկացած կոնսորցիումը՝ Եվրոպական միության «Կայունության գործիքի» ֆինանսական աջակցությամբ:

 

Օրացույց
Մարտ
2024
ԵՐԿԵՐՔՉՈՐՀՆԳՈՒՐՇԱԲԿԻՐ
Գրականությունը հաղթահարում է սահմանը
Սոցիալական կայքեր